Соцтармактарда алдамчылык учурлары көбөйүүдө — сак болуңуз

Маанилүү! Социалдык тармактарда алдамчылык учурлары көбөйүүдө.

Бул кантип иштейт?

Сизге Instagram’дан же Facebook’тан тез кредиттердин жарнамасы туш келет. Шилтеме аркылуу өтүп, Telegram-каналга түшөсүз. Ал канал банктын расмий каналына окшош, бирок чынында жасалма канал болот (мисалы: @obank_manager).

Алдамчылар эмне дешет?

Сизге пайдалуу чени менен кредит берүүнү убадалашат. Аны алуу үчүн 1000 сом өлчөмүндөгү камсыздандыруу төлөмүн төлөөңүздү суранышат.

Төлөмдөн кийин эмне болот?

Акча каражаттарын которосуз, сизди болсо бөгөттөшөт. Мындай учурда акчаңызды кайтаруу мүмкүндүгүсүз жоготосуз.

Алдамчылыкты кантип четтетүү керек?

• Шектүү шилтемелерге өтпөңүз. Банктын кызматкерлери соцтармактар аркылуу шилтемелерди жөнөтпөйт.
• Акча которбоңуз. Банк эч качан карталарга, электрондук капчыктарга же бөлөк эсептерге акча которууну суранбайт.
• Картаңыздын маалыматтарын билдирбеңиз (номерин, CVV-кодун, SMS’теги коддорду же сыр сөздөрдү).

Эсиңизде болсун:

1. Эгер өтө пайдалуу шарттарды убадалашса — бул дээрлик бардык учурда алдамчылык.

2. O!Bank эч качан кредиттин «камсыздандыруусу», «комиссиясы» же «кабылдоосун тездетүү» үчүн акча которууну сурабайт.

3. Бардык расмий өтүнмөлөр биздин сайттан жана «Мой O!» супертиркемесинен гана таризделет.

4. Банктын Telegram-менеджерлери жок. Банктын бир да кызматкери мессенджерлер аркылуу кредит берүүнү жүргүзбөйт.

Биздин расмий каналдар:

• Instagram;

• Threads;

• Telegram;

• X;

• obank.kg.