Үй курууга жана сатып алууга ипотека

• Арыз ээсинин паспорту жана, никеде болсоңуз, күйөөңүздүн/аялыңыздын паспорту;
• Никелешүү же никени бузуу жөнүндө күбөлүк (бар болсо);
• Кирешени тастыктоочу документтер:
  • жалданма кызматкерлер үчүн — жумуш берүүчү тарабынан кол жана мөөр коюлган 6–12 ай ичиндеги эмгек акы тууралуу маалым кат же 6–12 ай ичинде каражаттар туруктуу түшүп турган эсептин көчүрмөсү
  • жеке ишкерлер үчүн — патент жана/же ЖИ каттоо тууралуу күбөлүк, ишмердик боюнча келишимдер же контракттар, бизнес жүргүзүлгөн жерден маалым кат, каражаттар түшкөн алыш-бериш эсебинин көчүрмөсү (эсеп бар болсо).
• Сатып алынуучу кыймылсыз мүлктүн документтери: сатып алуу-сатуу келишими же менчик укугу тууралуу күбөлүк, техникалык паспорт жана менчик укугун мамлекеттик каттоо тууралуу маалым кат. Кыймылсыз мүлктү курууда же оңдоодо — жер тилкесинин документтери жана чыгымдардын сметасы;
• Сатып алынуучу кыймылсыз мүлктүн баасынан 20% өлчөмүндөгү баштапкы төгүмдү тастыктоочу документтер, же кошумча күрөө мүлкүнүн документтери.

Банк тастыкталган кирешени гана эсепке алат: расмий эмгек акыны, каражаттар туруктуу түшүп турган эсептин көчүрмөсүн, ЖИнин кирешесин, пенсияны жана тастыкталган кошумча кирешени (мисалы, көчүрмө же келишим боюнча кыймылсыз мүлктү ижарага берүүдөн).

Кредиттин суммасын эсептөөдө тастыкталбаган киреше эсепке алынбайт. Кирешелериңиздин жана түшкөн каражаттарыңыздын туруктуулугун тастыктаган документтерди алдын ала даярдап алыңыз.

Ооба. Күйөөңүздүн/аялыңыздын кирешесин эсепке алуу үчүн ал кредит боюнча кепилчилик берүүчү болот. Банк кепилчиликке макулдукту тариздейт, ошондой эле күйөөңүздүн/аялыңыздын кредиттик тарыхын текшерет.

Жок. Сатып алынуучу кыймылсыз мүлк жана күрөөгө коюлуучу кыймылсыз мүлк менчик укугун жана менчик укугунун мамлекеттик каттоосун тастыктаган документтерге ээ болушу керек.

Өз билемдик курулуштар, катталбаган кыймылсыз мүлк жана тастыкталган менчик укугу жок объекттер адатта күрөөгө алынбайт.

Объект боюнча акыркы чечимди банк чыгарат.

Жеке жактар үчүн ипотека сом түрүндө гана берилет. КРдин 28.10.2025-жылдагы №237 «Керектөөчү кредит жөнүндө» Мыйзамына жана КРУБдун талаптарына ылайык, кыймылсыз мүлктү сатып алуу үчүн кредиттер чет өлкөлүк валютада берилбейт.

Ар бир өтүнмө боюнча кыймылсыз мүлктү баалоону банк өз алдынча жүргүзөт. Көз карандысыз баалоочу жалдоонун жана ага төлөөнүн кереги жок. 4 250 000 сомго чейинки баадагы кыймылсыз мүлктү баалоону филиалдын кызматкери жүргүзөт. 4 250 000 сомдон кымбат объекттерди банктын профилдик бөлүмүнүн кызматкери баалайт.

Кредиттин суммасына жараша болот:

• 4 250 000 сомдон жогору — кыймылсыз мүлк банктын шарттарында жана кредиттин бүт мөөнөтүнө милдеттүү түрдө камсыздандырылат;
• 4 250 000 сомго чейин — кошумча камсыздандыруу тууралуу чечимди банк жекече чыгарат. Адатта, турак жайды милдеттүү түрдө мамлекеттик камсыздандыруудан өткөрүү жетиштүү, банктын шарттарында өзүнчө камсыздандырууну тариздөө талап кылынбайт.

Кыргызстанда өрттөн жана табият кырсыктарынан милдеттүү камсыздандыруу бар. Ал кыймылсыз мүлккө менчик укугун каттоодо таризделет. Эгер сизде андай камсыздандыруу жок болсо, ипотеканы каттоодо аны тариздешет.

Ооба, ипотеканы комиссия төлөбөстөн мөөнөтүнөн мурда толугу менен же жарым-жартылай жапса болот. Комиссия кредиттин шарттарынын өзүнчө өзгөрүүлөрү үчүн гана алынышы мүмкүн. Мисалы, төлөмдүн датасы же төлөө ыкмасы өзгөрсө. Комиссия банктын колдонуудагы тарифтерине ылайык алынат.

Күрөөдөгү кыймылсыз мүлктө жашаса болот. Бирок кредит толугу менен төлөнүп бүтмөйүнчө аны менен жүргүзүлүүчү бүтүмдөр (сатуу, сый кылып берүү, кайра пландоо, кээде ижарага берүү) жана чектөөнү алып салуу банктын макулдугун талап кылат. Айкын чектөөлөр келишимде көрсөтүлгөн.