Kaspi.kz'ке которуулар Kaspi QR менен төлөө

Комиссия — 0%. Kaspi QR менен төлөө үчүн да, Kaspi.kz'ке телефон номери боюнча которуу үчүн да комиссия алынбайт. Акча эсептен сом түрүндө алынып, алуучуга теңге түрүндө түшөт.

Лимит бир операция үчүн эсептелип, идентификациянын деңгээлине жана акча алынган булакка жараша болот.

• Онлайн-идентификация болсо — капчыктан 30 000 сомго чейин, картадан же эсептен 10 000 сомго чейин.
• Толук идентификация болсо — бардык булактардан Kaspi.kz'ке которуу үчүн 50 000 сомго чейин, Kaspi QR менен төлөө үчүн 300 000 сомго чейин.

Лимитти жогорулатуу үчүн, каалаган O!Bank же O!Store кеңсесине паспорт менен келип, толук идентификациядан өтүңүз.

Капчыктан, номердин балансынан, O!Bank'тын сом түрүндөгү эсебинен же сом түрүндөгү картасынан төлөсө болот. Акчаны эсептен алуу булагын төлөп жатканда тандаса болот.

«Мой O!» тиркемесинен Казакстанда жана Кыргызстанда Kaspi QR менен төлөсө болот — ишкерлердин жана компаниялардын түйүндөрүнөн. Kaspi.kz'тин колдонуучулары Кыргызстанда ELQR стандартындагы бардык QR-коддор аркылуу, анын ичинде жеке адамдардан да төлөй алышат.

Төлөм жаңы үлгүдөгү POS-терминалдар жана QR-коддор аркылуу иштейт. Төлөө үчүн кошумча маалыматтарды терүүнү талап кылган QR-коддор жарым-жартылай жеткиликтүү — биз алардын үстүнөн иштеп жатабыз. Эгер QR-код окулбай жатса, акчаны Kaspi.kz'ке байланган телефон номери боюнча жөнөтүңүз.

«Мой O!» тиркемесинен QR-код аркылуу ишкерлерден жана компаниялардан алган сатып алууларды төлөсө болот — жеке адамдардын жеке QR-коддору иштебейт. Адамдарга акча которуу үчүн, Kaspi.kz'ке байланган телефон номери боюнча жөнөтүңүз: «Которуулар» бөлүмүнөн Kaspi.kz'ти тандап, телефон номерин жана сумманы териңиз.

Сиз сом түрүндө төлөйсүз, алуучуга теңге түрүндө түшөт. Конвертация O!Bank'тын сайтында жана «Мой O!» тиркемесинде жарыяланган банктын коммерциялык курсу боюнча жүргүзүлөт. Теңге түрүндөгү так сумманы ырастоо экранынан көрөсүз: «Ырастоо» баскычын басуу менен, сиз конвертациялоонун шарттарына макул болосуз.

Жок. Кешбэк O!Bank картасы жана O!Bank QR-коддору менен төлөөдө чегерилет. Kaspi QR менен төлөөдө кешбэк чегерилбейт. O!Prime жазылуусу менен жогорулатылган кешбэк жеткиликтүү.

Төлөм ийгиликсиз болсо, акча автоматтык түрдө кайтарылат. Бардык операциялар «Мой O!» тиркемесиндеги төлөмдөрдүн тарыхында жеткиликтүү. Ал жерден чекти көрсө жана жөнөтсө болот. Эгер акча кайтарылбаса, 9999 номери аркылуу колдоо кызматына чалыңыз.

Товар сатып алынган түйүнгө кайрылып, QR-код аркылуу кайтарууну тариздеңиз. Акча 1–15 мүнөттүн ичинде эсепке кайтарылат. Эгер сатып алуу Кыргызстанда жасалса, кайтаруу сатуучунун кадимки жол-жобосу боюнча таризделет.

Кыргызстанда Kaspi.kz'тин колдонуучусу сизге QR-код менен акча которо алат. «Мой O!» тиркемесин ачып, ылдыйкы панелдеги QR белгисин басыңыз да, «QR-кодум» баскычын тандаңыз. Жөнөтүүчү Kaspi тиркемесинен бул кодду сканерлейт. Акча анын эсебинен теңге түрүндө алынат, сизге сом түрүндө түшөт.