Өзбекстанга онлайн-которуулар

Телефон номери боюнча которууну Өзбекстандын бардык банктарынын карталарына жөнөтсө болот. Бүт тизмеден банкты тандоонун кажети жок: алуучунун телефон номерин терсеңиз, тиркеме ага жеткиликтүү банктарды көрсөтөт.

Ооба. Картанын номери боюнча которуулар Humo жана UzCard карталарына жөнөтүлөт. «Мой О!» тиркемесинен «Төлөмдөр» бөлүмүн ачыңыз → «Өзбекстандын банк карталары / HUMO / UzCard», алуучунун картасынын номерин жана сумманы териңиз.

Комиссия — 0%. Телефон номери боюнча да, картанын номери боюнча да акча которууда комиссия алынбайт. Акча эсептен сом түрүндө алынып, алуучуга сум түрүндө түшөт.

Лимит бир операция үчүн эсептелип, идентификациянын деңгээлине жана акча алынган булакка жараша болот.

• Онлайн-идентификация болсо — капчыктан 30 000 сомго чейин, картадан же эсептен 10 000 сомго чейин.
• Толук идентификация болсо — бардык булактардан 300 000 сомго чейин.

Лимитти жогорулатуу үчүн, каалаган O!Bank же O!Store кеңсесине паспорт менен келип, толук идентификациядан өтүңүз.

Сиз сом жөнөтөсүз, алуучуга сум түшөт. Чегерилүүчү так сумманы ырастоо экранынан көрөсүз: «Ырастоо» баскычын басуу менен, сиз конвертациялоонун шарттарына макул болосуз.

Жөнөтүлгөн которууну жокко чыгарса же кайтарып алса болбойт — операция кайтарылбайт. Ырастоонун алдында алуучунун телефонунун же картасынын номерин текшериңиз: бул маалыматтар ырастоо экранында көрсөтүлөт.

Төлөм ийгиликсиз болсо, акча автоматтык түрдө кайтарылат. Бардык операциялар «Мой O!» тиркемесиндеги төлөмдөрдүн тарыхында жеткиликтүү. Ал жерден чекти көрсө жана жөнөтсө болот. Эгер акча кайтарылбаса, 9999 номери аркылуу колдоо кызматына чалыңыз.

Жок. Кешбэк O!Bank картасы жана O!Bank QR-коддору менен төлөөдө чегерилет. Өзбекстанга акча которуу бул шарттарга кирбейт. Сатып алуулар үчүн жогорулатылган кешбэк O!Prime жазылуусу менен жеткиликтүү.